专访港产《炉石战记》电竞选手剑指BlizzCon最顶峰世界赛

专访港产《炉石战记》电竞选手剑指BlizzCon最顶峰世界赛

话说今年BlizzCon将于11月5日至6日于美国加洲Anaheim市举利,一如以往,个Show唔单只係Blizzard嘅晒冷活动,更係旗下一众游戏嘅电竞比赛年终站,世界冠军就係由呢到出嚟。讲咗咁耐,究竟同大家有咩关係?因为今年有一位香港选手参加!

专访港产《炉石战记》电竞选手剑指BlizzCon最顶峰世界赛

无心插柳赢冠军

咁究竟係咩原因令Yulsic参加比赛呢?原来都係有啲误打误撞。话说Yulsic一直都係一个Casual玩家,不讳言对PvP嘅兴趣其实不大,可能两三日先会上线解下任开下卡牌。去年6月见到香港炉石公会搞咗个比赛,,Yulsic见到有唔少人参加呢个比赛,忽然有个Idea从佢个脑走出嚟:不如我都试下。就係咁Yulsic就踩咗入eSports呢条路喇。最重要係嚮呢个比赛入面,Yulsic赢咗个冠军。呢个冠军可能唔係咩大奖,但对Yulsic来讲就非常重要,因为佢意识到原来自己都有返咁上下实力,于是就开始每一季都Keep住打排名,每一季都打到上传说。但当时Yulsic对于eSports嘅印象就係「打机」,冇其他嘢。其实呢个印象到而家都係大多数人对eSports嘅理解。

专访港产《炉石战记》电竞选手剑指BlizzCon最顶峰世界赛

◆ 打到入BlizzCon世界联赛,已证明自身已有雄厚实力。(网上图片)

何时对eSport改观

不过当佢打得比赛多,接触到嘅高手愈来愈强,见多识广后,佢就对eSports有改观。当我问佢而家点睇eSports,佢就话而家对eSports就觉得跟其他运动一样,要有好成绩係必须要付出大量时间去练习,就好似《炉石战记》咁,去打比赛并唔係「喂去比赛喇」就算,而係要于出赛前要花好多时间及精神去谂要带咩卡牌组合出赛,佢哋行内说法就係「要带咩Deck」出去。因为每个比赛对于卡牌嘅要求都会有唔同嘅规限,有啲卡牌俾用,有啲卡牌係唔俾用,每次比赛就要谂点砌牌出赛。另外每当有新牌推出时,Yulsic亦会花唔少时间去研究新卡牌。

当我听到呢到,我就谂:咁咪要花好多钱?学生哥边到嚟咁多钱课金?Yulsic就话《炉石战记》有个好处,就係你只要通过解任或者打竞技场(即係PvP)去拎卡包,卡包入面係有机会得到新卡。好似佢呢类成日玩嘅玩家,要拎新卡係比较容易,亦即係话就算出新卡Deck,对佢嚟讲负担都唔会增加好多,因为佢係一个用时间换卡返嚟嘅玩家。不过对于新手来讲,由于唔识打竞技场,可能就需要课金去买新卡啰。

专访港产《炉石战记》电竞选手剑指BlizzCon最顶峰世界赛专访港产《炉石战记》电竞选手剑指BlizzCon最顶峰世界赛

◆ 而家Yulsic已成为亚太区《炉石战记》其中一位高手,佢有份嘅比赛都必定有唔少网上直播或转播。(网上图片)

点睇香港eSports?

讲到呢点,我觉得Yulsic係有啲悲观,佢觉得短期内都睇唔到香港电竞可以点发展,香港嘅队伍及玩家唔多,亦唔太能吸引到本地玩家注意。佢举个例,就好似台湾一线选手开个Twitch最少都有几千人睇,但香港选手呢就只得一千几百。政府对eSports嘅漠视亦令到香港eSports更难发展,所以佢都冇谂过会全职打电竞,未来都係等毕业后先再谂。

专访港产《炉石战记》电竞选手剑指BlizzCon最顶峰世界赛

◆ 香港玩eSports真係好难?(网上图片)

畀新手嘅贴士

最后我当然问下Yulsic玩《炉石战记》有咩心得同贴士。Yulsic就话首要真係要谂多啲,唔好太心急做决定,因为一急就容易错。如果你都想参加比赛,Yulsic建议你可以试下观察下最近有咩牌组强同埋热门嘅,之后就尝试以呢啲牌组作为基本去调整自己手上嘅出战牌组;如果你手上冇呢啲牌,咁你就可以谂点样利用手上嘅牌针对呢啲强势牌组,当然一定要多同人玩加快熟习你手上嘅牌。

专访港产《炉石战记》电竞选手剑指BlizzCon最顶峰世界赛

◆ 新手记得多多研究卡牌特性

P.S.

Yulsic于初赛被编入Group C的下线,第一回合不敌Amnesiasc,于败者复活战当中打败上线的败者Breath进入决赛,但最后都係不敌DrHippi以2:4败阵,世界冠军美梦幻灭!不过可以参加世界赛,对不少玩家来讲都已经赚到了吧?而Yulsic都会得到25,000美金的奖金,够交学费有凸!

上一篇: 下一篇: